FRIDAY

21st Sep 2018

GET MY HOROSCOPE

app
Download
食住買住慶祝東京迪士尼度假區35週年「Happiest Celebration」
17.04.2018

到東京迪士尼度假區又點少得大吃大喝,盡情購物呢?為慶祝東京迪士尼度假區35週年,由2018415日至2019325日,舉辦大型慶典「Happiest Celebration」。就等我地同大家一齊嘆盡美食再瘋狂購物啦!

 

編輯部首推呢個炸肉餅三文治特別套餐,大大塊Juicy炸肉餅配埋新鮮椰菜沙律,中和返一都唔會覺得油膩。黃色面包原來係以唐老鴨個嘴仔為靈感整嘅,真係好可愛呀♡

 

而呢個咁突出嘅米奇型包唔止好睇仲好好味!米奇兩邊耳仔同面珠分別係士多啤梨味、朱古力味同藍莓芝士味,食哂成個都唔會悶,耳仔上面仲有兩片朱古力添!套餐仲配埋蜜桃哩,入面有大大粒果肉,哂清新!

另外米奇造型膠盒入面嘅係吉士忌廉同士多啤梨忌廉做餡嘅蛋糕仔,細細個最行到玩到嘅時候填下肚喇~個膠盒仲可以拎埋返屋企添

 

今年就係東京迪士尼度假區35週年,樂園竟然推出35厘米長嘅香腸熱狗!上面配埋蕃茄肉醬再淋上芝士,超好味呀!

 

食完正餐又點少得甜品呢~杯裝士多啤梨蛋糕同千層蛋糕,上面加35週年Logo朱古力做裝飾哂可愛,而杯同碟仔仲可以拎埋返屋企添!

 

樂園為慶祝小小世界完成35年來首次大型翻新,全年分五個主題帶大家以美食環遊世界一周,以「It’s a Small World」嘅諧音,推出名為「Pizza Small World」嘅Pizza套餐!第一個目的地就係歐洲!以意大利為主題,大大片辣肉腸配熏肉同芝士,食完就好似去轉意大利咁呀~

第二個目的地將會係亞洲!唔知會係咩味呢?好期待呀!

另外仲可以加900日圓加配保溫午餐袋。

 

東京迪士尼度假區最受歡迎嘅手信都可以數係脆心朱古力喇,大大盒最送俾朋友做手信,個罐又靚可以留為紀念。正正因為脆心朱古力實在太受歡迎,東京迪士尼樂園開期間限定DIY心朱古力專門店!!以唐老鴨一家人舉辦嘅朱古力比賽為主題嘅專門店,可以自己揀心愛嘅鐵罐,再隨意揀18粒你鐘意嘅口味脆心朱古力,再自己配埋鐵蓋,最後演藝人員仲會幫你綁上你最鐘意嘅顏色絲帶,一罐獨一無二嘅脆心朱古力就完成喇!送俾朋友又好,自己慢慢嘆又好,都一定哂你心意


另外仲有其他以專門店為主題而設計嘅精品,同樣係脆卜卜嘅零食俾你揀

 

想馬上即時嘆脆心朱古力嘅話,就一定要去埋旁邊試埋唐老鴨同黛絲鴨造型嘅雪糕喇!唐老鴨隻仔真係超可愛呀!!仲可以加500日圓配埋期間限定嘅唐老鴨雪糕羹,遲仲會有另一個款式推出

 

食到飽飽又係時候血拼喇!平時東京迪士尼度假區已經超多超可愛嘅精品,買到手軟,但今年更加係35週年,款式多之餘仲好靚!要精心細選都有難度!35週年設計以絲帶為主題,唔少精品都係絲帶做裝飾,好似米奇型卡套、迪士尼朋友造型手袋吊飾同汽球都有不同顏色嘅絲帶~

 

必食嘅爆谷都出新款米奇爆谷桶,米奇造型同巡遊時見到嘅一樣!另外米奇同米妮糖果盒都好可愛啊!最後一個就係第一次推出嘅米奇米妮閃閃糖粉盒!糖粉盒附送一包閃令令嘅糖粉糖珠,可以食甜品食蛋糕前撒上,更加華麗更加甜到入心啊

 

大家至愛嘅小小世界都推出最新迪士尼朋友人偶同公仔吊飾,全部都好可愛好靚呀!買哂返屋企就可以再次重溫一幕又一幕小小世界嘅精彩容喇~

 

睇完咁多好係咪心郁郁想馬上訂機票嚟玩呢?咪住!我地仲有最後一擊,大家最鐘意嘅達菲熊同佢啲朋友仔都未出場!睇埋先再決定啦,如果唔係我怕大家唔時間玩哂咁多呀~

 

舉行日期:2018415日至2019325

 

東京迪士尼度假區

©︎Disney

Load more