TUESDAY

26th Jun 2018

GET MY HOROSCOPE

app
Download
最得人歡心!東京迪士尼樂園必買手信♥
06.02.2018

每次去旅行買手信都好頭痛,而且要買齊咁多樣手信又唔想重複,都係每次去旅行嘅一大難題。

特別係去主題樂園嘅時候,都會發現想買嘅手信分散各處,要買齊都唔係一件容易嘅事。

係東京迪士尼樂園內就有一間期間限定嘅商店,入面擺放左好多香港人都好鐘意嘅手信,就如櫻花系列、和服米奇米妮同東京迪士尼度假區限定嘅食物等。咁就唔洗周圍去,又可以買到一定得人歡心嘅手信啦!



係2月1日新出嘅就有真人版米奇米妮嘅精品,係樂園城堡前嘅櫻花樹影架。

櫻花滿開,米奇米妮甜甜蜜蜜嘅情景,唔少日本人都鐘意真人版系列。而呢個上粉紅色嘅系列,精品都比較實用,例如有文件夾、膠紙、memo同明信片等,不過咁可愛唔捨得用!



引發一輪搶購浪潮嘅必會係全個粉紅色嘅櫻花系列!全身都係粉紅色嘅真係好少見架♥

呢個櫻花系列特點就係包含左唔少日本傳統元素嘅精品,印刷上嘅米妮都係著住和服非常優雅又有日本特色。

例如有日本小手布、扇子,食物方面就有櫻花味棉花糖同櫻花牛奶咖啡等,粉紅色設計令各位少女都忍唔到手!



介紹左咁多適合女生嘅野,當然會有可以俾男生嘅手信。

東京迪士尼度假區新設計嘅LOGO,唔買點代表自己真係去過東京迪士尼呢?

每一個字母其實都代表左度假區內某一個設施,例如D係Big Thunder Mountain、I係Cape Cod嘅燈台等,各位粉絲有無留意到其他呢?



去到日本買手信,最重要就係買啲一睇就知係日本同日本限定嘅精品。

呢一個新年推出嘅和服米奇米妮,服裝做工非常精致。仔細一望,係咪覺得非常熟悉,因為其實呢套衫就係於成田機場歡迎大家嘅造型!



係食物方面,去年就開始推出「Tokyo Banana」嘅迪士尼版,係東京迪士尼度假區內先可買到。

花紋用上米奇圖案,味道都係東京迪士尼度假區限定嘅香蕉吉士同焦糖雙層夾心口味♥



要數神秘同特別,就係呢款鎖匙扣。驟眼睇以為係爆谷,原來內藏左唔同嘅迪士尼明星嘅造型!



買俾自己就最重要係實用,家居必備嘅餐具系列就最適合。買手信最怕買左唔啱用,實用嘅日常用品就唔怕浪費。

每次要買手信都諗一大輪,希望今次嘅介紹可以幫到大家買手信唔洗咁苦惱啦!


「Party Gras Gifts」期間限定特設手信店
地點:東京迪士尼樂園內 Adventureland

©Disney

Load more