THURSDAY

20th Sep 2018

GET MY HOROSCOPE

app
Download
美食與靚景♥新宿Prince Hotel最頂層和風料理推介
02.01.2018

和牛、金目鯛、吞拿魚刺身♥

新宿區鄰近車站嘅酒店都有唔少好選擇,係西武新宿線車站上蓋嘅新宿Prince Hotel,除左係超近車站超方便之外,仲係慶祝特別日子食晚餐嘅好地方。

眺望新宿嘅靚景,酒店最上層嘅餐廳「FUGA」最近就大翻新!餐廳能夠飽覽新宿區歌舞伎町嘅景色,寧靜嘅環境配上和風料理,為大家提供一個高一級嘅選擇。



去到日本當然想食日式料理,「FUGA」就以日本料理為基礎,菜式以和牛為中心,再加上創意用刀叉黎品嚐。而且仲加入左亞麻籽油等係日本料理比較少見嘅材料,菜式十分創新!

搜羅日本各地嘅食材,北至北海道南至沖繩,一個晚餐就能品嚐日本全國嘅美食。係調味油方面,鹽、醬油、麵豉都非常講究,例如刺身同和牛都會提供多種醬油同鹽俾客人自行調味,按喜好自己選擇。

晚餐一開始就會送上一杯出汁,由木魚同北海道產昆布製而成,味道雖然清淡,卻特顯到食材最真實嘅味道。



餐廳內傳來陣陣和牛香氣,原來㕑師就係餐廳嘅Counter位置即場製作和牛鐵板燒!當日仲有機會睇到㕑師整和牛壽司添,睇到已經流晒口水。



除左有和牛壽司之外,晚餐仲會有使用日本各地食材嘅美食。

例如刺身、金目鯛Shabu shabu、鱈魚與鱈魚子湯等。餐廳㕑師大久保圭吾先生曾經係歐洲擔任日本官邸嘅㕑師,憑著係海外豐富嘅經驗,今次係FUGA就創作出多款迎合外國人口味嘅日本菜式。



和牛肉塊非常嫩滑,入口即溶。調味料用上三種唔同嘅岩鹽,味道同質感都唔同,讓客人係同一道菜配上唔同岩鹽時會有新嘅感受!



飲品方面亦預備左紅酒、白酒、啤酒等。

最特別嘅係Sparkling Wine,先係杯中放入小糖珠,注入Sparking Wine時糖珠就會跳彈起,就好似係新宿區閃爍嘅夜空一樣。



夜晚從餐廳望出去嘅景色非常浪漫,晚餐價錢亦十分相宜,大家去到日本去可以留意下!


「和風Dining & Bar FUGA」
價錢:午餐 2,800日圓起 晚餐 5,800日圓起/每人 (另加10%服務費)
地點:新宿Prince Hotel 25F

Load more