WEDNESDAY

18th Jul 2018

GET MY HOROSCOPE

app
Download
探索東京地下世界!東京地下鐵九十週年帶大家睇夢幻車站
21.12.2017

相信大家都有體驗過東京嘅電車同地下鐵係幾咁繁忙同人多擠逼!

係咁巨型嘅地下網絡內,一定仲有好多大家都仲未知道,或者係被收藏好耐嘅神秘事物。

2017年係東京地下鐵開通90週年,今次就同大家時光倒流返到90年前,一齊參與呢個地下鐵開通90周年記念活動TOKYO METRO 90DAYS FES!「銀座線Time Slip」,睇下90年前嘅地鐵車廂,仲有揭開傳說中嘅夢幻車站嘅神秘面紗!




係1927年12月30日,被稱為當時東洋唯一嘅地下鐵路嘅銀座線開通喇!

今次時光倒流嘅活動,重現當時舊1000形嘅地鐵車廂,牆身同車門都用上木紋設計,座位就係綠色嘅梳化。同依家白色牆身橙色座位嘅車箱好唔同架。

總共有40編成嘅銀座線內就有2編成係特別設計,能夠遇上呢兩架列車一定非常幸運。



車廂內嘅扶手吊環,就用左好少見嘅眼淚型吊環,原來係再現左舊1000形車両嘅「Rico式吊環」。

不過當時嘅吊環係無人用時會自動彈向窗邊收藏款式,但因為回彈會撞到其他乘客,依家都改用吊落黎嘅款式。



同現時車廂內最唔同嘅地方就係有車箱內嘅「室內預備燈」,雖然係用LED燈,但燈光顏色同外型都模仿當時設計,希望帶出懷舊嘅味道。

點解會有呢個室內預備燈?原來以前當列車靠近車站時,供電設計上會令到車廂內嘅燈都熄晒,就要靠呢個係牆身嘅預備燈照明喇。



活動期間仲有穿上復刻制服嘅地鐵職員,仲有工作人員穿上90年前日本人嘅服飾添。



終於都等到傳說中車站嘅登場!期間限定嘅亮燈,可以睇到佢地嘅神秘面紗。

係銀座線表參道站至澀谷站嘅中間,就係表參道站嘅前身「神宮前站」。呢個車站曾經被稱為青山六丁目站,係1938年開業。但因當時太多青山幾丁目嘅站名,就改成最近明治神宮嘅車站神宮前站,不過之後現時嘅明治神宮前站建成,令佢唔再係最近明治神宮嘅車站,就改名成表參道站喇。



仲有銀座線末廣站同神田站中間嘅「舊萬世橋站」。

萬世橋係1930年開業1931年廢止,係當時一個臨時嘅車站,面積都比其他車站細。因為當時要將地鐵通過神田川時興建神田站時,通過神田川時比預計中花時間,就暫時係萬世橋附近興建左萬世橋站。



係上野車站仲有唔少展品讓大家回顧地鐵歷史,大家去到地下鐵上野站就要留意喇。


TOKYO METRO 90DAYS FES!


Load more