WEDNESDAY

18th Jul 2018

GET MY HOROSCOPE

app
Download
DIY聖誕卡速成班!日本Girly TEPRA標籤機簡單印出夢幻絲帶
19.12.2017

聖誕節就快到,唔知大家預備好晒聖誕卡同聖誕禮物送俾心愛嘅人未呢?

如果可以收到一張親手整嘅聖誕卡,就一定會更加暖到入心。

時間唔夠又想整DIY卡,其實可以係現有嘅聖誕卡上加上少少心思同創意,製作出獨一無二嘅聖誕卡!今次就同大家用上印字可愛又夢幻嘅Girly TEPRA標籤機,係絲帶或者紙膠帶印上祝福嘅字句同可愛聖誕圖案,收到嘅一定會好溫暖!



今次要介紹嘅Girly TEPRA,用左粉紅色同白色嘅設計,外表就好似化妝袋咁非常粉嫩。

印出黎唔單只係文字,仲有唔同季節嘅造型圖案、日期、裝飾框框都有。

功能多多,唔單只係初初開始玩DIY嘅人適合,加點創意就可以有好多用途!印出黎嘅小膠帶可以用黎做整理時嘅Label、包裝小禮物等。



用黎印刷唔只係常見嘅紙膠帶,仲有唔同質地例如:絲帶、亮面貼紙、質地透光嘅「mt」等。

印出黎嘅字都有黑色、白色、金色、灰色等多種選擇。

要換帶時唔需要等到全卷用完先換,任何時候都可以打開後方更換想用嘅紙質。



先試輸入「MERRY CHRISTMAS」嘅文字,字體多達8款!

有手寫體、比較優雅或比較甜美嘅字體,按心情或者場合揀出鐘意嘅字體。因為係聖誕,就揀個復古又氣質嘅字過印上絲帶啦。



打完字仲可以揀框框,印刷嘅長度仲可以按自己喜好設定。

今次想打個蝴蝶結,就一次過印出25cm嘅長度。係印之前,TEPRA螢幕上都有得預覽字體、圖案、大小等效果。亦可以將唔同圖案自由組合,成為獨一無二嘅設計。



除左文字同框框,不得不題超可愛嘅圖案,有食物、天氣、植物等。

係唔同季節仲有特別圖案,萬聖節會有南瓜同小鬼,而聖誕節就有聖誕老人同薑餅人等,完全唔會厭!



完成!今次就係現有嘅聖誕卡加上用TEPRA印出嘅絲帶,只係加少少裝飾就好華麗!

絲帶除左剪落黎做裝飾,仲可以印比較長絲帶,要黎包禮物都可以。

雖然Girly TEPRA依家只支援日文同英文,仲其實有英文打印,仲有唔同圖案同框框,只要自己再加配唔同顏色同質感嘅膠帶,已經非常多配搭喇!


Girly TEPRA (Label Writer TEPRA PRO SR-GL2)

Load more