WEDNESDAY

18th Jul 2018

GET MY HOROSCOPE

app
Download
食肉獸出動!北海道十勝大平牛PEKO CISE
12.12.2017

想要食北海道嘅十勝牛,唔一定要去到北海道,依家係東京都可以食到喇。

今次就帶大家到係東京潮人必去嘅奥涉谷地區(奥涉)發掘好野食!

係奥涉新開業嘅「PEKO CISE」,食材選用左係北海道十勝飼養嘅「十勝大平牛」,飼料仲係無農藥有機服料嘅牧草,係咁優良嘅環境下飼養嘅牛隻,一定唔可以錯過喇。



十勝大平牛嘅特點係脂肪同紅肉嘅分佈非常均匀,纖維幼細而且味道濃厚,無論製作成咩種類嘅料理都好合適。

外表就好似寶石一般嘅「Jewel Meat」,係由北海道嘅帶廣嘅當地料理「豚丼」得到靈感。

外層係香脆嘅焦糖,除左令表面閃閃發光之外,仲可以鎖住牛肉嘅鮮味!一切落去清脆嘅焦糖聲同質感都非常驚喜,柔和嘅甜味亦同牛肉嘅味道非常夾!



大大塊嘅牛扒就係用柴窯黎燒,所以入口都會有木香味道,肉汁亦非常多好juicy架。



吉列牛扒就豪華地用大厚厚嘅牛肉塊,生熟程度亦剛剛好,有入口即溶嘅感覺。



除此之外,仲有用左赤身肉、簡單調味帶出牛肉本來味道嘅牛他他、大大粒非常有口感嘅薯仔沙律,十勝大平牛意粉等等。

午餐仲有1000日圓左右就有得埋單嘅定食,或者外賣到附近代代木公園野餐都唔錯架。


PEKO CISE tokachi ohira kitchen
地址:東京都涉谷區神山町4-18 1・2樓

PEKO CISE

Load more