SATURDAY

16th Dec 2017

GET MY HOROSCOPE

app
Download
11月26日係「好風呂日」!體驗東京錢湯文化好機會
24.11.2017

去日本浸溫泉就浸得多,唔知大家有無試過去體驗下公共澡堂「錢湯」呢?去溫泉就要去到比較郊區嘅地方先有,但地道嘅錢湯其實東京周圍都搵到,而且東京仲係全國錢湯數目數一數二嘅地區黎架。

通過由以前起就同人民生活有密切關係嘅錢湯,相信大家都可以更深入地感受到該區嘅歷史同文化。11月26日就係「好風呂日(いい風呂の日)」,風呂係日文中有浸浴嘅意思,襯呢個機會帶大家由錢湯去認識東京啦。



適逢東京地下鐵(東京メトロ)開通90週年同11月26日嘅「好風呂日」,東京地下鐵就由11月26日至12月4日舉行《TOKYO SENTO WEEK(東京錢湯Week)》,挑選左5個錢湯將佢地變身成「特別風呂」,希望透過呢啲表現出該區文化歷史嘅風呂,大家可以更加認識該區嘅魅力。而呢5個地區都係去旅行時好少機會去,非常地道嘅地域黎架。



東京都北區「殿上湯」:花園風呂

通過北區西原嘅日光御成街道嘅附近,以前原來係園藝方面非常出名嘅地區。今次殿上湯就變身成表現出“花之街道”嘅「花園風呂」,錢湯將會佈滿滿開花朵嘅裝飾架。



東京都荒川區「齊藤湯」:谷中螢火蟲風呂

被稱為“螢火蟲之街”嘅西日暮里,以前唔少人都會慕名去睇螢火蟲架。今次齊藤湯就表現出“螢火蟲之街”,將代表螢火蟲嘅水燈放係水面,就好似螢火蟲浮係水面非常夢幻。



東京都台東區「日之出湯」:VR絕景風呂

上野係集中左最新造物文化嘅地方,係上野公園內舉行嘅博覽會,曾經都聚集左當時最新技術。今次日之出湯就變化成最新科技嘅地區,提供用VR欣賞靚靚景色嘅風呂。



東京都足立區「寶湯」:閻魔大王之地獄風呂

1789年開眼嘅閻羅王像被放於北千住,從此北千住就被稱為有閻羅王嘅地方。今次錢湯就變身成鮮紅色令人聯想到地獄嘅「閻魔大王之地獄風呂」,讓人可以盡情感受到該區嘅歷史同風情。



東京都墨田區「大黑湯」:江户切子風呂

以江户切子等玻璃製品以出名嘅墨田區,係製作傳統工藝方面有多年歷只。而大黑湯就變成表現出江户切子圖案嘅「江户切子風呂」,用上玻璃裝飾非常華麗。


《TOKYO SENTO WEEK(東京錢湯Week)》
日期:2017年11月26日至12月4日

TOKYO SENTO WEEK

Load more