WEDNESDAY

23rd Aug 2017

GET MY HOROSCOPE

app
Download
過一個不一樣嘅暑假!東京迪士尼樂園「和風夏慶」
01.08.2017


一年一度嘅迪士尼夏季活動已經開始左喇!

今年就以日本夏日祭典「和風夏慶」為主題,園內都佈滿和風設計嘅裝飾架。除左今年有新嘅娛樂表演讓迪士尼明星們同大家一齊玩水濕身之外,夜間巡遊都加入左多架新嘅花車陣容!無論係已經去左或者計劃要去嘅大家,都睇下有咩必玩必食必買嘅事啦!



全新娛樂表演就係令樂園氣氛升溫嘅「水花燦燦!盛夏節奏」,迪士尼明星都穿上全新服飾係和風設計花車上迎接大家。配上以太鼓等日本傳統樂器演奏嘅迪士尼樂曲,從米奇們嘅花車上噴出大量水花!夏日炎炎,清涼嘅水花就啱晒消暑喇。



大家最想知道嘅當然唔少得有咩期間限定嘅特別商品,今年嘅「和風夏祭」商品就多達約50種!今年特別之處就係有好多Chip&Dale造型嘅商品,棉花糖、刨冰等日本夏祭必備嘅物品都化身咕????與掛飾。而T恤、短褲、太陽眼鏡等可以著上身嘅商品都好齊全,集齊全身裝備Ready Go!



係食物方面都可以見到好多用日本夏祭元素再改成迪士尼風嘅食物。例如夏祭包裝嘅熱狗,模仿蘋果糖嘅蘋果味布甸同味道好似朱古力香蕉嘅香蕉忌廉蛋糕。仲有連午餐袋或者紀念杯嘅套裝,唔只有得食仲有得帶返屋企添!


有得睇有得食咁仲有咩玩呢?係園內見到有啲商品係商店無得賣嘅,原來係日本慶典攤販造型嘅小商店。大家可以參加500日圓一次嘅搖獎遊戲,人人有獎,大獎仲可得到超可愛嘅蘋果糖咕????添!



講到入夜後嘅迪士尼樂園,當然唔少得為大家製造多個浪漫時刻嘅「東京迪士尼樂園電子大遊行」。由2001年開始嘅巡遊,係2017年7月份第四次更新遊行陣容,為大家帶黎更多燦爛光彩。



今次嘅更新就有3個必睇陣容!第一個就係煥然一新嘅《仙履奇緣》花車系列,呢個傳奇又家傳户曉嘅故事換上華麗馬車,再現舞會上嘅光景。第二個就係2011年告別大家嘅《美女與野獸》花車再次登場,靚到好似走入左童話世界內!第三個就超受歡迎嘅迪士尼電影《冰雪奇緣》,載住安娜同艾沙同小白嘅花車,重現故事中嘅冰晶城堡,首度係夜間巡遊中登場!


東京迪士尼樂園「迪士尼和風夏慶」
日期:即日起至2017年8月31日

Tokyo Disneyland

©Disney

Load more