THURSDAY

19th Apr 2018

GET MY HOROSCOPE

app
Download
【連載:乃木坂46西野七瀨之nanase-self】-送贈
25.02.2018

盛載恭喜或感謝心意嘅禮物。

七瀨想傳達嘅,係咩心意?


#「送贈」

當我諗到邊個會因為收到我份禮物而開心嘅瞬間,就會萌生起想送禮物俾人嘅念頭!

One piece/Lily Brown 

Earrings/ABISTE

Socks/Tabio (KUTSUSHITAYA) 

Pumps/DIANA銀座總店 (DIANA)


俾自己嘅必買手信係明太子同辣油

購物嘅時候,又唔係話專登搵緊禮物,但有時就係會突然腦海裡面浮現出某個成員呀朋友嘅面孔,然後覺得嗰樣野會啱佢喜好或者覺得佢收到會開心。個時,我就會萌生起想送禮物俾人嘅念頭。以前,喺拍攝現場見過(齋藤)飛鳥著緊對襪睇落就嚟穿窿。之後我行街嘅時候咁啱見到好可愛嘅襪,就買咗落嚟,用絲帶打上蝴蝶結,然後送俾飛鳥。我仲送過衫俾舊年宣佈畢業嘅(伊藤)万理華。原本件連體衫係買嚟自己著嘅,但有一次忽然覺得「万理華似乎更適合著呢件衫?」,然後就送咗俾佢。另外我準備緊送Kazumin(高山一実)佢最愛嘅水藍色甜品。我都花咗唔少心思,去搵可愛嘅物品架。

我鍾意行勻商店睇晒啲商品,去旅行嗰陣亦一樣。一去到手信區,我就會好興奮,覺得樣樣都好好、好想要。然而,轉念又諗到「一個人住,買咁多返去咪又係食唔晒……」,冷靜落嚟之後結果只係去福岡嗰陣買咗明太子(笑)。雖然事前我都有問過屋企人有冇咩想要,有嘅話就幫佢地買。係喇,仙台嘅機場同車站有售嘅辣油係我嘅必買手信!支辣油入面有好多牛舌,用嚟送白飯都好正♡ 呢兩樣都係我去旅行必定會買俾自己嘅手信。

雖然算不上禮物,但之前拍「電影少女-VIDEO GIRL AI 2018-」嘅時候,我送咗豆皮壽司作為慰問品。曾經諗過送零食,但考慮到好多工作人員都係男性,佢地應該比較鍾意飽肚嘅食物,所以最後決定送豆皮壽司。當時一擺出嚟就瞬間無晒,見到咁受歡迎我真係好開心!宜家積極考慮緊下次送咩慰問品好。話說,可以令我見到就忍唔住去拎嘅慰問品,係草莓大福。有時,會好好彩咁一粒裡面出現兩顆草莓,呢種特別情況會令我興奮起嚟!



爸爸留低嘅油炸豆腐大派用場!

最近,令我開心嘅禮物……係由爸爸度得到嘅油炸豆腐(笑)。爸爸嚟探我個陣,會買定自己要用嘅食材,放喺我屋企個雪櫃,然後就咁返去。至今為止,同樣嘅事已經發生過兩次,點解爸爸要咁做真係一個謎……但係,多得呢件事,我先可以整到油炸豆腐烏冬。原本我只係打算整個素烏冬,宜家直情升咗級!雖然我成日都會喺屋企整烏冬食,但一開始,我連整日式高湯要落幾多調味料都唔知。之後我試驗咗無數次,終於搵到平衡。宜家我可以好熟手咁做出相同嘅味道

雖然我好少會送禮物俾自己,如果要宜家揀一樣嘅話,我會揀浴巾掛。因為宜家用緊嘅毛巾已經好舊,都係時候換新喇(笑)。我鍾意比一般細少少嘅浴巾,用緊來自媽媽介紹嘅品牌嘅浴巾,超鍾意。講到衫,我鍾意上一領位較寬闊嘅上衣!自從11月剪成短髮之後,開始想挑戰一啲以前中長頭髮時期無著過嘅設計……宜家呢種心情非常高漲。


咗配合主題,「Doiya-san」識七十二變! 

本月之nanase-sense


想個蝴蝶結更顯眼,所以其他地方都用咗沉色。以前係拎包裝嘅蝴蝶結綁喺門柄上。

Doiya-san=由於冇咩物欲,所以就算收到禮物反應都好冷淡。


Model/西野七瀨 Photo/岩谷優一 (vale.) Hair & Makeup/川添カユミ (ilumini.) Stylist/松尾由美 Text/吉川由希子 Support/アワビーズ

Load more