SATURDAY

16th Dec 2017

GET MY HOROSCOPE

app
Download
【連載:乃木坂46西野七瀨之nanase-self】-素
22.10.2017

無論咩時候,都唔會修飾自己、展現自然嘅一面。

呢個就係七瀨其中一個魅力♡


#「素」喺屋企戴住眼鏡素顏嘅時候,同成員喺休息室一齊笑嘅時候。基本上,一直都係「原原本本」嘅我。

Blouse/3rd Spring

Pants/Ray BEAMS 新宿 (Ray BEAMS)

Earing/Osewaya (Osewaya)

Shoes (With fur)/OZOC 


飯枱同牆壁之間嘅空間最令我覺得安心♡


最令我有做自己嘅感覺嘅,係喺屋企休息嘅時候。特別係,飯枱同牆壁之間好窄嘅空間好令我安心,所以放假嘅日子我會坐喺個度兩至三個鐘,畫吓畫、用手機睇吓片咁。又或者,好好地做吓打掃、洗衫,沉浸喺成就感之中。點講都好,素顏、為咗畀對眼休息而唔戴隱形眼鏡嘅樣,就係最原本嘅我(笑)。喺屋企以外嘅時候,譬如工作時,都有好多可以畀我做自己嘅機會。喺休息室聽到有趣嘅野而笑嘅我,同喺屋企Hea嘅我,並無分別。反而,應該話我基本上一直都係做緊自己,直到Live呀拍攝個陣一Roll機個下先轉換狀態至啱。


成員之間,雖然喺對方沮喪嘅時候要顧及佢嘅心情,只可以問候「你有冇事呀?」,但其餘嘅時間我地咩都可以傾,對我嚟講係好舒服嘅關係。我同伊藤Karin (伊藤かりん)、伊藤純奈、川後陽菜、齊藤優里(斉藤優里)一齊去咗好多次旅行。前排,佢地齊集喺我屋企,搞咗個三文魚魚子蓋飯派對!成日都提住「好想搞派對呀」,於是之前一日終於緊急決定舉辦,大家一工作完,就嚟我屋企集合。Karin 指揮我地分工,決定唔同嘅人去整料理或者裝碟上菜。當日,雖然我由朝早開始就有好多嘢做,但係為咗夜晚嘅三文魚魚子蓋飯,我特登喺早餐同午餐食少啲留肚去食(笑)。正因為咁,所以個飯食落覺得更好味,同埋好耐都冇試過5個人一齊悠閒咁傾偈,個日真係好開心。我哋傾咗有關大家各自嘅工作嘅話題,然後討論「下次去邊度旅行好?」討論得好興奮。因為其中一個人話「韓國好呀!」,所以下次應該會去韓國旅行掛?雖然唔知幾時先去到,但好期待實現到嘅個日


原本純白色嘅房間陸續出現「色彩」

我好憧憬可以著簡單純白色衫著得清爽又好睇嘅人。但係對我嚟講,我冇自信可以唔靠設計或者花紋去襯得好睇,所以穿搭方面要行簡約風格嘅話,睇嚟仲要有排先做到(笑)。宜家,我會一路記住要喺簡約同有特點嘅衫之間攞個平衡,一路襯衫。另一樣好重要嘅點,係善用一樣單品,盡可能襯出多個唔同嘅配搭。為此,我盡量每日都企喺全身鏡前面影相,紀錄低個日嘅穿搭。雖然我會喺每晚臨瞓前諗定聽日著咩衫,但都有過自己點都襯唔好,無論諗幾耐都諗唔到好配搭嘅時候……因為襯衫並無正確答案,所以我慢慢感受到要襯得好睇有幾難。如果可以一邊嘗試唔同嘅風格,一邊逐步去搵到襯得簡約而又好睇嘅方法就好啦。


最近,我改造緊間房,由簡約風改做比較Cool嘅風格。因為由一個人自己住開始,屋企嘅傢俱都係白色,所以宜家反而鍾意上深色。我將白色嘅梳化換成啡色,又將牆嘅顏色由白色轉為帶藍調嘅灰色!爸爸幫我喺玄關掛嘅蜂巢形鏡子都好正。宜家計劃緊下次叫爸爸幫我將電視枱塗成近乎黑色嘅顏色。逐少逐少咁改造,究竟幾時先可以將佢完全變做理想中嘅樣呢(笑)。但之後我仍然打算跟返自己個節奏去改造。


咗配合主題,「Doiya-san」識七十二變!

本月之nanase-sense。

喺床上唔覺意就會舉起隻腳去頂住個座墊。並唔係為咗做運動或者拉筋,純粹係想咁做。


Doiya-san=憑本能去做嘢,所以基本上平時都係做緊自己。


Model/西野七瀨 Photo/熊木優 (io) Hair & Makeup/KITA (Nord) Stylist/松尾由美 Text/吉川由希子

Load more