SATURDAY

16th Dec 2017

GET MY HOROSCOPE

app
Download
【連載:乃木坂46西野七瀨之nanase-self】-淚
24.09.2017

眼淚係前進的開關。喊,並唔係負面嘅事。


#「眼淚」出道當時總係喊。但後來發現「只要肯努力,一定會有人知道」。

Blouse (With inner)/Marblee


見到廣告中描寫的人生同家人之間的羈絆就淚腺崩壞

一向眼淺嘅我,當然睇電影、電視劇嘅時候會喊,就連睇到電視上面播嘅廣告都會喊。對於描寫人生同家人之間嘅羈絆嘅廣告,我特別冇抵抗力,因為一旦連繫到自己當時的心境,就會一瞬間將感情投放入呢6090秒嘅世界入面。但係,似乎有個詞語叫「淚活」,意思係喊可以洗滌心靈,所以對我嚟講,喊並唔係壞事。以前,我會上網搵一啲會令人喊嘅文章,喺屋企自己一個人一邊睇一邊喊,從而將心裡面積聚嘅煩躁一掃而空。「好!聽日開始繼續努力!」我覺得咁未嘗唔係一種令人積極向前嘅一種方法。

回想起作為乃木坂46成員活動嘅種種,開心、唔甘心、悲傷等等,曾經有過好多唔同情況嘅喊嘅場面。雖然都試過因為感動呀,笑得太勁而喊出黎,但初期個陣因為其他原因而喊嘅情況比較多。特別係出道年嘅「制服人偶(制服のマネキン)」,同第二年嘅「你的名字是希望(君の名は希望)」嘅時期,不如意事有好多,對我嚟講係一段幾辛苦嘅時期。亦都試過好小朋友咁,成個腦淨係諗到「我究竟要點努力先得?」,而一邊喊一邊打電話畀媽媽傾訴。但係,咁啱呢個時候,第一次一個人去影雜誌相。對於我呢種冇咩存在感嘅人嚟講,完全想像唔到會有單人嘅工作機會搵我,算係一件大事。喺邊度都好,只要努力就會有回報。咁樣諗嘅話就覺得開心,同埋背負住乃木坂46嘅名一個人做嘢,會感受到前所未有嘅責任感。

個陣因為唔甘心同傷心而喊。相比起當時,我覺得最近多左開心咁喊。其中一次,係喺夏天全國巡遊嘅開始地點·明治神宮棒球場嘅公演裡面,知道11月嘅演唱會決定咗喺東京巨蛋度搞嘅時候。東京巨蛋,係令我憧憬過有朝一日可以喺個度搞演唱會,但又感覺仲係有啲遙遠嘅地方。正因為咁,喺舞台上聽到呢個消息嘅瞬間,雖然忍唔住唔喊,但真係好開心!同時感受到「絕對要搞得成功!」嘅巨大壓力。為咗達成呢個目標,而且之後繼續嘅夏巡都係好重要嘅時期,我會嚴陣以待。


因為無論點都進攻唔到而喊咗出嚟

喺電影《薙刀社青春日記(あさひなぐ)》拍攝前開始嘅薙刀練習上,都有喊得難以忘記嘅回憶。以基本嘅5種姿勢, 以及進攻和防守為主的練習內容,突然間變成比賽形式嘅瞬間,我無論點都進攻唔到,又郁唔到……由以前開始我就唔擅長鬥志滿滿咁同人戰鬥,曾經向指導員講「就算輸咗都唔覺得唔甘心。咁樣嘅我可能真係做唔到」。老師係而家都仲活躍緊嘅薙刀選手,當時佢同我講「欸?如果係我嘅話我一定好想贏!」嚟緩和氣氛,我因為老師呢份體貼而喊咗出嚟。喺試映會度睇到完成嘅作品,唔單止個故事,練習同拍攝裡面嘅回憶湧現,唔覺意又喊咗出嚟。睇完套戲之後,同其他成員傾咗下,發現大家都有相同嘅感受。等到套戲上畫真係好耐!好想畀好多人睇到,然後快啲聽到感想。

我本身可能好少因為痛而喊。因為鍾意忍痛個陣嘅成就感,所以可以忍受到好大力嘅按摩。

Doiya-san=並唔眼淺。但係,一睇到人情倫理嘅作品,亦會有不禁熱淚盈眶嘅一面。

Model/西野七瀨 Photo/田形七紘 (Roaster) Hair & Makeup/KITA (Nord) Stylist/松尾由美 Text/吉川由希子




Load more