SATURDAY

16th Dec 2017

GET MY HOROSCOPE

app
Download
【連載:乃木坂46西野七瀨之nanase-self】-工作
30.07.2017

搖身一變成為OL嘅七瀨,大談改變自己嘅「工作」!

#「工作」
「唔輸得」「性格意外地開朗」。能夠認識到「自己」嘅另一面,都係全靠工作。

Blouse/merry jenny
Skirt/ViSPumps/DIANA 銀座總店 (DIANA)


同以前簡單係兩個人!?我並唔討厭咁樣嘅自己

幼稚園嘅時候,喺畢業相冊上面,我將來嘅夢想寫咗做「開蛋糕舖」。到咗小學,我嘅夢想就變成成為培育導盲幼犬嘅寄養家庭,因為鍾意畫畫,而有過一段憧憬成為漫畫家同插畫家嘅時期。不過,能夠令我下定決心「我一定做呢份工!」嘅工作,就一件都冇。去到高中時期,總算開始思考將來,嗰陣喺學校讀緊護理學,我最多都只係諗「今後繼續讀係咪就可以做護士呢?」。媽媽嘅一位護士朋友,曾經同我講過「做護士會見到血同內臟,七瀨做唔嚟㗎~」,當時嘅我其實想像唔到護士具體嘅工作內容,只係迷迷糊糊咁產生憧憬,亦都唔明白當中嘅困難之處,所以完全回應唔到,而家諗番的確講得好啱……如果高中當時我冇遇上而家嘅工作的話,係咪就會升上大學,然後返工呢?我諗我一定會因為工作而變到好忙,放工之後連同朋友去玩、學興趣班嘅力都冇埋(笑)。不過週末同公司同事一齊去居酒屋食飯放鬆,好似都唔錯呀。「原來我係咁唔輸得㗎!」、「意外地把聲都幾大」,加入乃木坂46之後,藉住工作發現自己新一面嘅機會多咗好多。其中一樣就係自己原來都有開朗嘅一面。唔知係咪同呢幾年嚟,我嘅內心出現咗好大轉變有關呢?以前,當我睇到其他成員嘅優點嗰陣,就會覺得自己一定要向對方學習,而且會陷入討厭自己嘅情緒之中,不斷反省。唔知由幾時開始,為咗改變怕醜、遇到第一次見面嘅人會收埋自己嘅性格,我會盡量提醒自己要保持笑容。今時今日,因為承擔起工作而逐漸建立起自信,喺第一次身處嘅環境之中都可以笑住打招呼,有人同我講嘢都可以唔膽怯咁應對。兩樣嘢都似都係理所當然,但同剛開始工作嘅我相比簡直係另一個人咁,但係我都唔討厭咁樣嘅自己。

為簡約嘅房間添置仙人掌

因應唔同工作,我會放入手袋嘅物品都會唔同,倘若去需要長時間等待嘅地方的話,我一定會帶電子書!工作前一日喺雲端揀好同下載定想睇嘅漫畫。另外,我會帶埋屋企嘅納豆同明太子,喺現場食飯嘅時候「加料」,我鍾意呢種特別嘅感覺。當我將明太子加落白飯度,身邊嘅人好多時都會吃驚「竟然帶咗嘢嚟送飯食!?」(笑)。

為咗工作,好好休息都好重要。我嘅叉電方法就係音樂、漫畫、浸浴呢3件事。由於我留喺房間過嘅時間比較多,所以最近開始著手於佈置空間。作為第一步,小小嘅仙人掌嚟咗我屋企啦。一直以嚟都唔敢種觀賞植物,但仙人掌唔需要每日淋水,又易種,而家用咗嚟裝飾睡房嘅窗邊。因為有咗呢棵仙人掌,原本只有最基本設備嘅房間多咗色彩,氣氛都更好。我嘅目標係令間房變到好似刊登喺室內設計雜誌上嘅房間咁時尚,對傢俬同小物講究,將牆壁轉顏色……夢想愈嚟愈豐富


為咗配合主題,「Doiya-san」識七十二變!

本月之nanase-sense

因為同想戴上我鍾意嘅工作頭盔,而畫成工業風。Doiya-san係會喺工作場地認真工作嘅類型。

Doiya-san=從前做過普通工作,而家冇工返。享受緊自由嘅時光。


Model/西野七瀨 Photo/熊木優 (io) Hair & Makeup/KITA (Nord) Stylist/松尾由美 Text/吉川由希子 Support/AWABEES EASE


Load more