SATURDAY

16th Dec 2017

GET MY HOROSCOPE

app
Download
本田翼
non-no MODEL
【連載 : 歡迎來臨本田翼俱樂部】-「當秋天嚟到,就會想去『大人嘅遠足』♡」
10.09.2017

「當秋天嚟到,就會想去「大人嘅遠足」

Tunic (Omekashi)/mystic 新宿 MYLORD

Trousers/mystic 新宿 MYLORD

Choker/dazzlin


學生時代嘅時候,大家會唔會成日喺公園?

明明無咩緊要事,仍然會一直同朋友坐到日落為止,講一啲無營養嘅話題講到好High。但係,最近似乎無再咁做過(笑)

前一排,我約咗女性朋友一齊去代代木公園,而且係,深夜突然心血來潮(笑)

一片黑暗之中,我哋互相拋接飛碟,又喺自動販賣機前面玩「果汁猜拳遊戲」。然後拎住罐果汁,坐喺長櫈上,天南地北咁傾計,真係好開心

無幾耐之前,我同其他女性朋友五個人一齊去咗韓國,作為「大人版畢業旅行」。大家聚喺酒店房,笑聲不斷,之後仲不知不覺間瞓著咗,嗰段時光亦好愉快。

最近,我似乎覺得做呢啲青春嘅嘢好開心

暑氣漸消,秋天來臨嘅時候,都有同朋友講「好想去大人嘅遠足呀」。

到時大家各自準備自己煮嘅料理,煎蛋捲呀便當就交俾朋友做,而我淨係帶速食湯咁。咁樣唔屬於自己煮?唔係唔係,我會好好加熱水煮好然後用煲帶過嚟㗎!(笑)


TSUBASA EPISODE

「比起閑賦在家,更鐘意喺外面走動」最近態度積極,對秋天出遊幹勁滿滿嘅翼。

「只要肯做就會做到」

中學嘅時候,曾經同媽媽吵架,然後被命令「由聽日開始一個禮拜,你同我做晒屋企所有人嘅便當!」。仲試過一大早起身煎蛋捲。因為從小開始幫媽媽煮飯,意外地我其實係識煮飯,然而發揮唔返呢種能力,應該係因為當時深深地感受過做便當有幾辛苦吧(笑)果然,便當都係「人地做好畀我」係最好


「大人遠足嘅回憶」

一聽到「大人遠足」,首先諗起嘅,係老家朋友所講嘅USJ。搭一程4000日圓嘅高速巴士,早上到達大阪。直到USJ開門前,我地會喺快餐店裡面消磨時間,走嘅時候又會喺休息站食小食。相比USJ,反而係呢段「鐘意做咩就做咩」嘅時間更加印象深刻,好有青春嘅氣息


Model/本田翼 Photo/柴田文子 (étrenne) Hair & Makeup/信沢Hitoshi Stylist/笠原百合 Text/石井美輪 Support/EASE

Load more