FRIDAY

20th Apr 2018

GET MY HOROSCOPE

app
Download
本田翼
non-no MODEL
【連載 : 歡迎來臨本田翼俱樂部】-「挑戰主持電台節目」
14.01.2018

Knit/Mila Owen

One piece inside/HONEY MI HONEY


大家好,我係J-WAVE嘅電台節目「AVALON」嘅主持本田。呀~做電台節目真係開心

開心嘅原因有好多,首先就係可以同聽眾溝通到呢點。做模特或者演員個陣,一般都係由我單方面發放,對方接收,好少有機會接收到觀眾嘅反應。而且,喺現場直播緊個陣,睇收到嘅留言,然後回覆佢地……呢個對我嚟講真係好新鮮好開心嘅工作!!

另外,電台節目無畫面,所以無論我駝背又好,盤腳坐又好,甚至拎住罐咖啡都無問題。簡直就好似喺屋企咁自由嘅空間度,跟住自己慣常嘅節奏,去講想講嘅嘢……可以將更真實嘅我呈現俾大家。

嗯,但因為咁,讀錯漢字讀到離晒大譜、暴露咗我散漫嘅性格、露出破綻等等嘅事都成日發生(笑)。但係,呢啲都算係我嘅本性,少少錯、做得唔好都係我嘅可愛之處,以後都請大家多多指教

 

TSUBASA EPISODE

享受緊做主持嘅本田嘅電台二三事。


「本田流煩惱傾訴』」

就算搵咗人傾訴,到最後做決定嘅都係自己。搵人傾煩惱,其實並唔係想人哋俾到答案,而係想有人聽自己傾訴。所以,有人向我傾訴個陣,我會好好地做個聆聽者。唔係幫佢解決件事,而係一邊聽,一邊去引導佢講出佢心目中嘅決定。譬如話「雖然係咁講,但你都仲係好想搵佢吧?」(笑)。


「本田流三大會話術』」

「一、唔打斷人哋講嘢」。好好聽人哋講嘢係基本中嘅基本!!「二、俾反應」。俾啲反應,表示我係聽緊,否則人哋會覺得不安。「三、唔夾硬嚟」。如果成日諗住要同每一個人都傾得好投契嘅話,反而會有心理負擔產生反效果。同人傾偈應該要建立喺共同興趣上。放鬆心態去做係最重要


Model/本田翼 Photo/三瓶康友 Hair & Makeup/中山友恵 (Three PEACE) Stylist/笠原百合 Text/石井美輪

Load more