SATURDAY

16th Dec 2017

GET MY HOROSCOPE

app
Download
本田翼
non-no MODEL
【連載 : 歡迎來臨本田翼俱樂部】-「對攝影嘅熱情再度燃燒,沈浸喺拍片世界之中♡」
20.08.2017

「對攝影嘅熱情再度燃燒,沈浸喺拍片世界之中

One piece/snidel
Stripe top (as a set with skirt)/Mila Owen
Denim/COCO DEAL
Hat/CA4LA ShowroomShoes/CAMILLE BIS RANDA

去遠足嘅時候我會帶埋即影即有相機,

由我細細個嘅時候起,我已經鍾意攝影。

影嘅大多數都係朋友而唔係自己。

由於太過沈迷嘅關係,相薄入面嘅相幾乎完全冇我嘅蹤影(笑)

雖然做咗模特兒之後,我就成為咗不斷被影嘅對象,但最近我對攝影嘅熱情又再一次燃燒起來,而且唔只影相,連拍片都鍾意埋。令我再次投入攝影世界,都係因為朋友嘅生日會。因為我「好想將呢個咁開心嘅時刻記錄起來」、「想作為留念送畀對方」,所以就開始咗拍片同做後製。

不斷重複睇呢啲片段,感受住當中嘅歡樂,將片段變成最正嘅「回憶」……呢件事比我想像更加更加有趣!!

影相可以將一個????間記錄低,但拍片唔同,拍片甚至可以將當時嘅氣氛好真實咁保留起來,呢樣係拍片正嘅地方。我影親相都唔係風景或物品,而係我身邊嘅人,所以相入面幾乎冇我自己呢一點,到而家都係冇變過(笑)。我想記錄低嘅唔係此時此刻嘅自己,而係我同我所愛嘅人一同度過嘅快樂時光。希望今後可以保留起更多嘅開心回憶



TSUBASA EPISODE

帶住心愛嘅相機記錄起「歡樂時刻」,為大家送上翼嘅攝影生活。

「玩具數碼相機就係好拍擋」

因為唔知幾時會出現我想影低嘅場面,所以我會隨身帶住相機,想影就影。不過,要帶住又大又重嘅相機的確辛苦,於是我揀咗「DIGITAL HARINEZUMI」做我嘅拍檔。呢部係一部迷你Size嘅玩具相機,影相、拍片都做到。而且有螢幕,可以睇到拍攝影象,雖然佢細細部,但係係我嘅好拍檔

「最近嘅影像作品」

我去拍攝現場都會帶埋我嘅拍擋一齊♡ 電視劇深海魚男(わにとかげぎす)嘅拍攝現場,我會影低一齊拍劇嘅有田哲平。只要將相機對住就一定會做搞笑動作,真係一個好有趣嘅人!!而家我正度用「情熱大陸」嘅風格後製緊呢影像(笑)所有嘅拍攝工夫已經搞掂,每次我做後製嘅時候都會諗番起當時嘅氣氛……又多一份美好回憶♡


Model/本田翼 Photo/須江隆治 (See) Hair  Makeup/信沢Hitoshi Stylist/笠原百合 Text/石井美輪

Load more