THURSDAY

19th Apr 2018

GET MY HOROSCOPE

app
Download
本田翼
non-no MODEL
【連載 : 歡迎來臨本田翼俱樂部】-「女生最重視水潤♡ 開始注重保濕」
18.03.2018

Long gown/TOMORROWLAND (MACPHEE) 

Top/Mila Owen 

Pants (預計3月下旬發售)/REDYAZEL LUMINE EST 新宿店


總而言之,我好怕麻煩。 
25歲之前,我完全冇注重過皮膚嘅保濕。 
由得佢順其自然。
然而,隨著年月增長,皮膚開始失去彈性同水潤……
就算係我咁怕麻煩嘅人,都覺得「再咁落去好危險。會變成木乃伊!」。而終於正視呢個問題,努力做身體護理♡
我會喺沖完涼之後做身體護理。喺由背部到腳踝,全部手可以掂到嘅位置,喺身體仲係濕嘅時候搽上護膚油。然後用身體潤膚乳液和身體潤膚乳霜兩種護理產品,就係我最慣常嘅做法。
秘訣係……因為每日用嘅份量都好多,所以護膚油同身體潤膚乳液都會揀平價,淨係身體潤膚乳霜先會揀貴價嘅!
有時腳上會殘留襪嘅痕跡,就會捏下小腿。但我係完全唔會做按摩,因為實在太麻煩喇。有時甚至會嫌要搽兩次太煩而將身體潤膚乳液和身體潤膚乳霜溝埋一齊搽(笑)
但我覺得咁就夠。因為夾硬要我做咁多嘢,結果只會令我想放棄。每日默默地努力做好能力範圍之內嘅事好重要♡



TSUBASA EPISODE

離嫌麻煩嘅懶人一族。開始注重身體護理嘅本田嘅美容近況。

「改善緊飲食習慣

工作越來越忙碌時間比起食嘢會優先將時間擺落興趣上變瘦。對食嘢冇興趣,更冇節食,我一直都係靠呢個循環維持體形,但最近覺得咁樣落去好唔掂,於是開始自己煮食。以前淨係得健康飲品嘅雪櫃,亦都陸續加入食材。2018年,想由內在護理開始努力

「本田,嘗試行更多路」

我一向都知道自己嘅肌肉量係驚人地少,最近終於下定決心想去改善。為此,我平日會盡量行多啲路。雖然係咁講,但其實都只係假日時唔再癱喺屋企,步行去車站嘅書店。然後食個午餐、買罐咖啡,再行返屋企,我採取嘅行動就只得咁多(笑)不過,咁就夠喇,因為「每日默默地努力做好能力範圍之內嘅事」好重要

  

Model/本田翼 Photo/康友 Hair & Makeup/Hitoshi Stylist/松尾正美 Text/石井美輪


Load more