SATURDAY

16th Dec 2017

GET MY HOROSCOPE

app
Download
本田翼
non-no MODEL
【連載 : 歡迎來臨本田翼俱樂部】-「又難入睡又起唔到身?本田嘅睡眠事情」
15.10.2017

「又難入睡又起唔到身?本田嘅睡眠事情」

其實我,真係好難瞓得著。

雖然搭緊車、空閒、中午個陣,我喺邊都瞓得著。

但當做完嘢返到屋企就瞓唔著!!

一諗到「呢段自由嘅時間,點可以拎嚟瞓教!!」,就開始打機、睇漫畫……然後,個腦完全清醒晒,更加無睡意。

完全係「浪費病」(笑)。如果講到瞓唔著個陣做咗啲咩嘅話,因為就算點努力都係瞓唔著,所以我會放棄掙扎,窩喺張床度一直睇漫畫。等到「唔經唔覺」瞓著係我慣常嘅做法。

正因為咁,嗯~起身都好困難。朝早經常都意識朦朧。起身之後兩個鐘都幾乎係冇記憶(笑)。

雖然係咁,但我喺老家個陣好易瞓著得嚟又好易起到身。喺我屋企,有樣野叫「早上嘅家務」。我負責洗碗、晾衫、吸塵。做唔到嘅話就會畀嚴厲嘅媽媽鬧。夜晚唔早瞓又會畀佢鬧。所以全部問題都係一個人生活之後先出現!!

明明係喺嚴厲嘅教育下成長……最後都係變咗無用嘅大人,媽媽對唔住。

T-shirt/Carhartt WIP Store Tokyo

Short pants/DESCENTE Customer Enquiry (le coq sportif)


TSUBASA EPISODE

昨天打機打到深夜。今日喺搭車去拍攝地個陣瘋狂瞓覺(笑)。本田嘅睡眠事。

「本田嘅睡房」

灰色床單加白色毛毯。注重點係「經常洗」。非常簡樸嘅睡房。總之當佢係淨係瞓覺嘅地方,由得個電燈泡燒咗。我會喺一片黑暗之中睇漫畫。順帶一提,我鍾意用平板電腦睇漫畫。「想睇後續」個陣又可以即時下載,呢樣都係電子書嘅可怖之處。難以入睡唔係我嘅錯,而係文明進步嘅錯(笑)。


「本田嘅睡衣」

T-shirt加短褲。令人意外嘅普通(笑)。以前曾經對睡衣好講究,亦都試過追求好可愛嘅睡衣。但係最近覺悟咗,覺得「舒服先係最重要」。同埋,以前我接受唔到著住出街衫、唔沖涼咁瞓,我會完全瞓唔著,但宜家全部都接受到。我都覺得生活越來越粗糙嘅我有啲恐怖(笑)。


Model/本田翼 Photo/神戸健太郎 Hair & Makeup/犬木愛 (AGEE) Stylist/松尾正美 Text/石井美輪 Support/AWABEES


Load more