MONDAY

22nd Jan 2018

GET MY HOROSCOPE

app
Download
本田翼
non-no MODEL
【連載 : 歡迎來臨本田翼俱樂部】-「今日拍戲拍得開心嘅話,就會更期待聽日嘅拍攝」
17.12.2017

「今日拍戲拍得開心嘅話,就會更期待聽日嘅拍攝」

Knit/agnès b. (To bby agnès b.)

Denim/Mila Owen

Earrings/Khaju LUMINE新宿店 (Justine Clenquet)


最近我拍緊電視劇「太太,請小心輕放」(奥様は、取り扱い注意),拍攝現場真係好歡樂!!

我同廣末涼子(広末涼子)、綾瀨遙(綾瀬はるか)共演嘅部份有好多,而綾瀨成日都好爽朗咁同我傾偈,廣末又會為我哋煮早餐。佢整嘅蛋包飯,上面仲用蕃茄醬畫咗個心心,超可愛,而且真係好好味

啱啱開始呢份工作嘅時候,眾所周知我係一個好怕生嘅人,但最近突然覺得:「所謂怕生,不過係藉口」。自此之後,我開始積極同人傾偈交流。

我嘅交流戰術就係「懷一直線!」。對第一次見面嘅人唔會膽怯,會主動向佢搭話!咩嘢都問唔會太客氣!淡定咁講「請多多指教」去打破雙方之間嘅隔膜,呢個就係我慣常嘅做法(笑)。

同共演嘅演員關係越好,拍攝就越開心,隨之更期待接下來嘅拍攝。

然後,今日我又一邊期待見到綾瀨同廣末,一邊出門口。


TSUBASA EPISODE

來自最近專注於演員事業並且樂在其中嘅本田嘅「工作内幕」。

「飲凍滾水」

最近,我喺拍攝現場成日都飲凍滾水。以前我只會飲有味嘅飲品,到底點解我宜家變成咁?皆因夏天嘅疲勞太難消除(笑)。可能係因為室外嘅炎熱同室內嘅冷氣嘅關係,內臟變得好疲倦,又唔係話有人建議我咁做我先做,而係唔經唔覺之間自己主動開始飲凍滾水。但,正因為咁,我嘅身體好咗好多。暫時打算之後繼續咁做落去 


「拍戲嘅拍檔」

我帶去拍戲嘅野,有喺空閒時間可以俾我睇電子書嘅平板電腦、俾我打機嘅「Nintendo Switch」,同埋朱古力。因為拍戲都幾用腦,所以會好想食甜嘢。拍戲要帶劇本去現場自然唔洗講,為咗無論幾時都睇到,所以我喺屋企同車上面都分別擺咗本劇本。意外地,我對呢方面係幾認真(笑)。


Model/本田翼 Photo/三宮幹史 Hair & Makeup/信沢Hitoshi Stylist/笠原百合 Text/石井美輪

Load more