TUESDAY

26th Jun 2018

GET MY HOROSCOPE

app
Download
本田翼
non-no MODEL
【連載 : 歡迎來臨本田翼俱樂部】-「“本田翼彩色化”現正全速推進」
20.05.2018

Top/DIESEL JAPAN 

Short pants/rag & bone表參道 

Earrings/STELLAR HOLLYWOOD


熒光黃色嘅夾克、橙色嘅針織衫、深藍色嘅褲、朱紅色嘅長裙……

一打開衣櫃,就會見到一整排色彩鮮艷嘅衫。

每次同朋友約出去玩,一去到集合地點,就會被朋友鬧:「太顯眼啦!!明明特登揀個冇咩人嘅地方,依家咪變得無意義囉!!」

大家好,我就係喜歡彩色嘅本田翼(笑)。

話雖如此,其實二十歲出頭前,我所著嘅衫嘅顏色一直都好單調。

之所以會開始著鮮色衫,係因為收到一位上年紀嘅女士俾我嘅建議──「單調嘅顏色,就算年紀大咗都仲著得,但要著色彩鮮艷嘅衫就只有趁年輕嘅時候。如果唔享受一下會好浪費!」自此之後,「淨係著只有依家先著得嘅衫!」就變成咗我嘅座右銘。

最近,我幾鍾意例如黃綠色等等嘅中性色。今年春夏流行彩色,感覺本田翼華麗化會加速推進(笑)。

各位朋友,睇嚟今個春夏我會繼續為大家帶嚟麻煩……大家唔好嬲啦

TSUBASA EPISODE

當日私服都好色彩繽紛嘅本田,關於「春夏時裝」嘅二三事。

 

「喺巴黎買咗春天衫」

今年我亦趁住時裝週,去咗巴黎睇時裝Show。當然,喺當地購物都買得好盡興 當中特別鍾意RAF SIMONS嘅純白男裝大碼大衣同埋Yves Saint-Laurent嘅古著乾濕褸。特別係白色同其他顏色都好夾,所以襯一啲好鮮色嘅T-shirt同埋牛仔衫都得,已經不斷用嚟循環穿著!!

 

「本田流時尚T.P.O

與工作上初次見面嘅人踫面時,同埋正式嘅場合中,必須控制顏色嘅運用。雖然我鍾意鮮艷嘅顏色,但都要配合返T.P.O(時間、地點、場合)。約會嘅時候,會盡量比平時注重「女人味」。我嘅必勝衫就係羅紋針織衫。就算其他部份係休閒風,單憑一件針織直紋冷衫就可以增加女人味。但係,我淨係擁有一件,而且個件仲要係橙色嘅(笑)。


Model/本田翼 Photo/藤原宏 (Pygmy Company) Hair & Make up/犬木愛 (アージェ) Stylist/松尾正美 Coordinator/山野恵 Text/石井美輪

Load more