FRIDAY

20th Apr 2018

GET MY HOROSCOPE

app
Download
夏日好氣色!CANMAKE全新不脫色胭脂膏試色
09.06.2017


用膏狀嘅化妝品好似眼影膏或者胭脂膏等,雖然係好方便又可以打造光澤感,但會整污糟隻手相信係唔少朋友嘅煩惱。日本平靚正嘅化妝品品牌「CANMAKE」最近就推出左不脫色胭脂膏,附有細細塊粉撲海綿,就唔怕整污糟啦!而且仲用左好可愛嘅貝殻外型設計,充滿夏天Feel!



胭脂盒係兩層設計,打開上層嘅胭脂就會見到小海棉,能將胭脂均匀地搽上臉頰。而胭脂本身亦加入左美容保濕成份,水潤嘅膏狀胭脂好似融化係肌膚表面咁,打造素顏一般嘅水潤亮澤,有如白裡透紅嘅輕透質感。

而胭脂都用左難掉色嘅Tint處方,隨住時間經過顏色會越黎越實,一日都能保持好似剛剛搽上時候嘅顏色。夏天咁熱成日流汗又溶妝,有左呢個不脫色嘅胭脂就唔怕啦!



01... Fresh Pop Melon

粉紅同橙色中間嘅絕妙配色,俾到人一個清新又活潑嘅感覺。偏橙色嘅胭脂令人感覺更健康,好適合夏天户外活動時候使用。



02... Happy Strawberry

甜美嘅士多啤梨紅色,就好似沖完涼果種自然嘅好氣色感。偏紅嘅胭脂款係三款中最自然,適合自然妝容嘅朋友而且睇落皮膚都白啲。



03... Peony Mellow(限定色)

限定嘅03色聽講係日本已經搶購一空!華麗感覺嘅Baby pink,令你可愛度大增更加sweet。行日系風格嘅朋友一定唔可以錯過呢個粉紅色喇!



不脫色效果方面,官方話要放長啲時間先做到不脫色效果。小編嘗試用一般落妝水輕抹,顏色唔會一下子全部都被抹走,就算用手指大力掃開都只會令顏色變淡,唔會無晒色。

而打造自然泛紅胭脂嘅方法,就係將胭脂用小海棉用輕印方式搽係權骨對上位置,然後由中間向外掃開至眼尾出少少。重點就係比平時大範圍地打橫塗抹,形造自然效果!

(左至右 01/02/03)


CANMAKE 「Cream Cheek Tint」共3色
日期:日本2017年6月1日發售
價錢:各600日圓(未含稅)

CANMAKE

Load more