WEDNESDAY

18th Jul 2018

GET MY HOROSCOPE

app
Download
超想食可愛馬卡龍眼影♥ LUNASOL 2018春季可憐淨化系列
12.01.2018

提到馬卡龍嘅顏色,大家都可能又諗到比較粉嫩嘅色彩。但當諗起百貨公司嘅櫥窗,就會發現其實馬卡龍係非常色彩繽紛架。

加倫子嘅粉紅色、芒果嘅橙色同焦糖嘅米色。今個春天LUNASOL就帶俾大家鮮艷又柔和嘅彩妝,彩色好似好難用,不過今次嘅色調比較淡亦唔會過份誇張。

讓人聯想到馬卡龍嘅色彩,係霧面嘅馬卡龍質感當中帶啲自然嘅光澤,打造一個成熟但令人憐惜嘅妝容。



透亮嘅眼妝,華麗嘅唇膏色同有光澤嘅胭脂。彩妝使用更多顏色,就可以為表情帶黎更多變化,就連心情都被淨化。

今次除左有8色嘅馬卡龍單色眼影外,仲有四色眼影組、唇頰兩用筆同霧面指甲油等,全部顏色都好鮮豔好岩春天用架。



就好似馬卡龍一樣令人憐惜嘅色彩同柔和光澤嘅質感嘅四色眼影組。

搽上眼簾非常輕盈,自然融入肌膚。雖然顏色睇落比較鮮艷,但其實搽上唔會過份誇張,而且仲感覺好有活力添!

「MACARON GLOW EYES」全4種(限定1種)5,000日圓



限定嘅色號EX01 Milky最有春天嘅感覺,四個顏色可以自由組合同配搭。

除左要黎做眼妝嘅主色之外,其實淺色嘅用黎打亮都好靚好適合!



同一組眼影都有唔同嘅配搭方法!化妝師就為大家示範左兩個用01 Cassis色嘅妝容,第一個就係日常妝,第二個就擴大桃紅上色範圍,令眼妝更有精神同增加女人味。

用呢啲特別色系嘅顏色最驚會眼腫,化妝師就教要記得搽深色眼影係睫毛根部位置,令眼妝更加統一就得。



唔少日本女生都期待好耐嘅馬卡龍眼影終於都登場喇!唔少化妝師都推薦嘅單色眼影化身超可愛嘅小寶盒,一打開令人心情好興奮。

呢款單色眼影非常柔軟,顏色透亮自然融入肌膚,為大家帶黎春天輕盈嘅眼妝。

八個顏色嘅眼影,最啱女生依每日嘅心情轉換眼妝。最常用到當然係啡色,不過小編覺得粉紅同紫色就加添少女感覺,而黃同淺藍色仲可以踏走眼皮暗沉顏色。

「MACARON NUANCE EYES」限定8色 2,500日圓


春天系列仲有好多其他彩妝!

如空氣一樣輕盈但顯色嘅唇膏、眼唇頰都可以搽嘅多用Crayon、融入肌膚又帶黎自然好氣色嘅胭脂,仲有能夠容易就搽得均一嘅柔和霧面指甲油。大家要記得留意喇!

「AIRY GLOW LIPS」全8色(限定3色)3,000日圓

「COLORING CRAYON」全2色 3,000日圓

「COLORING SHEER CHEEKS」限定2色 2,500日圓

「NAIL FINISH」限定3色 1,500日圓


LUNASOL 2018 SPRING MAKEUP COLLECTION「可憐淨化」

LUNASOL

Load more