TUESDAY

20th Feb 2018

GET MY HOROSCOPE

app
Download
居家按摩好選擇♡ WELEDA護膚按摩油
13.02.2018

在冬天乾燥嘅天氣之下,一唔做好滋潤功夫就好容易起皮,相信大家都有用心護理塊面,但身體其他部份嘅皮膚都唔可以忽視架!

尤其係沖完涼之後,水份流失得更勁,呢個時候就應該要搽返身體乳,或者潤膚油。

揀多功能嘅潤膚油就可以一舉兩得,慳返唔少時間~ 接下來等小編介紹下有咩好用嘅多功能潤膚油啦!


來自瑞士嘅有機品牌Weleda出咗好幾款護膚按摩油,大家可以因應需要去揀。當中小編比較鍾意其中嘅山金按摩油、薰衣草潤膚油,同埋樺樹按摩油。

薰衣草潤膚油,呈淡黃色,散發好濃烈嘅薰衣草味,鍾意薰衣草味嘅必定好鍾意~

裡面嘅杏仁油同芝麻油,滋潤得嚟,會令皮膚更柔軟幼滑,而且質地好清爽,並無油笠感,使用感好舒服。

同埋,薰衣草香味,有鎮定心神嘅功效,令人更放鬆,有助入睡,成日失眠嘅話可以試下~


聽講喺日本最好賣、最受歡迎嘅,係呢枝!

樺樹按摩油,係專門為身體上唔平坦嘅橙皮皮膚而設。通過按摩,去幫助疏通淋巴,緊緻皮膚,最終達到淡化橙皮紋嘅效果。

唧出嚟會見到係呈黃綠色,抹開之後聞起嚟似清檸味,味道清新。

沖完涼之後,喺腰腹、手臂、屁股、大腿等等容易浮腫同有橙皮紋嘅部位打圈按摩就OK~


最後一款就適合成日做運動嘅人~

做完激烈運動之後,唔單只個人會疲累,而且肌肉會變得明顯,呢個時候就要用按摩做事後按摩,放鬆肌肉。

山金車按摩油,可以柔滑肌膚之外,仲可以運動前後用,運動前用可以預防受傷,而運動後用則可以紓筋活絡,一舉幾得~


WELEDA

Load more